AYUB 4:20 - Alkitab Singog In Mongondow Masa In Tanaa

²⁰ Mahaḷuk tatua in mobiag doḷo-doḷom, bo matoi moisimayat mako kon dodai in ḷoḷabungnea, bo diá bidon in sia toro-toropon bui.

AYUB 4:20 ပူးပေါင်းရင်းမြစ်များ

TAWARIKH 2 15:6

Bangusa tobatú moritak kon bangusa ibanea, bo kotá tobatú moritak kon kotá ibanea, sin pinopoangoidon i Allah in ropatoi moḷoben kon i monia.

TAWARIKH 2 21:20

Diábí tobatúmai in nomanasaḷ in kinopatoiannea. Iḷobong in sia kon Kotá i Daud, táe deemanbí kon bonu in poḷoḷobongan in datu mita. Kon dodai in nobaḻí datu ki Yehoram in umur toḷu nopuḷú bodoyowá notaong, bo nomarenta in sia kon Yerusalem waḷu notaong in koonggotnea.

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 14:2

Monubu in sia bo moḷaḷow naonda bo bungang; moinggamá naonda bo oḻinow, bodongka mobuḻi.

AYUB 14:20

Sinaḷow-Mu in sia modapot in mononoi; Pinotabá-Mu in sia minayá bo binaḷuian-Mu in batangannea.

AYUB 16:22

Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 18:17

Sia in diá bidon kinotaauan kon bonunea andeka kon ḷuai in kotá; diá bidon in tobatúmai in intau in nokotoropa kon tangoinea.

AYUB 20:7

táe moinggamábí in sia dapot in mononoi, mayá nongkon dunia pinongin daḷan inta mokooyá. Intau mita inta nokoimontandon nonotaau kon inia, in moḻibóbí “Uḻe, kon onda in binayáannea?”

MAZMUR 37:36

Kon tungkuḷ in akuoi moitaḻib, sia in diá bidon onda, sinayakku in sia, táe diá nouḻíku.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 92:7

Intau bodok in diábí mokodoḷop, intau dondunguḷ in diábí mokotaau kon tua.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.