AYUB 39:6 - Alkitab Singog In Mongondow Masa In Tanaa

⁶ Ogoiku kon inia in rawang mobaḻí baḷoinea bo padang gurun mita mobaḻí tampat pogogutunannea.

AYUB 39:6 ပူးပေါင်းရင်းမြစ်များ

AYUB 24:5

Dá, ki inta nomasiking tua in naonda bo keledai ḷoḷog inta motayak kon kaanon kon rawang bonok; tongábí kon tampat mita tatua in oyúon in kaanon kon i adínea mita.

AYUB 39:7

Sia in iyumayú kon kotá mita bo ramenea, diábí in mokoyonok bo mopogaid kon inia.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

YEREMIA 14:6

Kon tudu in buḷud keledai ḻindong tongádon simindog mako, matanea mokayow popisí in diádon in bonok; mopoginang-ginang in sia naonda bo serigala.

YEREMIA 17:6

Sia in naonda bo pinomuḷa inta nobiag kon rawang, kon tudu in butá noḷogat, noingongow bo noibung, diá kon dodai in onda in sia in mokorasa kon kopiaan.

YEREMIA 2:24

bo mayá in padang gurun inta moingongow. Sia in diádon kodomokan aka koyogot in ḷanuan in ibog. Inta mongibog kon inia in diá bidon paraḷu motayak magí mako, sin kon tungkuḷ in ḷanuannea yo sia bidon tontaní in motayak.

YEHEZKIEL 47:11

Táe tubig kon rawa mita bo paya-paya kon kinoouput in pintad tatua in diábí moḻiau, táe umuranbí podapugan kon simuton.

HOSEA 8:9

Naonda bo keledai ḻindong inta iḷumoḷongon, natuata in intau mita in Israel dinumudui kon ibog mita monia tontaní. Mosia in notayak kon totuḷung nongkon Asyur, bo notaḷui kon yoyobayatan in bangusa mita ibanea.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.