AYUB 39:27 - Alkitab Singog In Mongondow Masa In Tanaa

²⁷ Parentamu degá inta dinuduian in ḷagapan boniá kon dodai in sia diápa nomia kon pugadnea kon buḷud inta moḷantud?

AYUB 39:27 ပူးပေါင်းရင်းမြစ်များ

AYUB 39:26

Degá ḷagapan boniá in sinundúmu iḷumayug aka sia mopobayá in toḷatan takin koḻikip inta noibuká mako?

AYUB 39:28

Kon tudu in buḷud batu sia noposindog in baḷoinea; Popod in batu inta notonggoruit binaḻínea dinding.

MAZMUR 103:5

Sia inta nopoorop kon kobiaganmu in inta mopia, dá iko in umuran moguod naonda bo ḷagapan boniá.

IḶUAIAN 19:4

“Moiko ain nokoontong kon onu inta inaidan-Ku kon intau in Mesir, bo kon dodai in Akuoi nodia kon i monimu namangoi kon i-Nakó kon tampat tanaa takin kawasa inta moḷoben, naonda bo ḷagapan nodia kon i adínea kon ḻimonik in koḻikipnea.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

AMSAL 30:19

Ḷagapan boniá inta iḷumayug kon toḷungayá, uḷag inta iḷumandai kon tudu in batu karang, kapaḷ inta iḷumeag kon yuak in dagat, bo togapang in tayowmobiag bo mongodeaga inta mosiibogandon.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

IMAMAT 11:13

Kon sigad in ḷagapan mita, inta moiduduimai naa inta diá motaau kaanon sin monajis in: ḷagapan boniá, ḷagapan monikuḷu, bayongan ḷagapan boniá, ḷagapan nasar, kawag, ḷagapan unta, camar, blekok bo ḷagapan mita bangow, undan, ḷagapan kasa bo poniki.

OBAJA 1:4

Umpakabí pomiaanmu in baḷoimu ná koḷantud in pugad in ḷagapan boniá, bo ná koḷantud in tundi mita kon ḷangit, yo iko in notantúbí kon pogonag-Ku.