AYUB 39:25 - Alkitab Singog In Mongondow Masa In Tanaa

²⁵ Sia in moganggor pomuḷoi in torompet irupon nongkon noyayú kobóannea in bó in poparangan. Dinongognea in baḷú in porwira mita kon dodai in mosia mobogoi in tompoingat.

AYUB 39:25 ပူးပေါင်းရင်းမြစ်များ

AYUB 39:24

Takin ibog inta tumaga-tagab moribatuk in kabaḷo tatua; aka torompet mosingog yo diá in sia mokotahang kon gina.

AYUB 39:26

Degá ḷagapan boniá in sinundúmu iḷumayug aka sia mopobayá in toḷatan takin koḻikip inta noibuká mako?

MAZMUR 70:3

Biódon mako in intau inta moibog moḻimod kon inakó taḷowon bo moḷagui posibayá. Biódon mako in intau inta nonggiow kon rorigaku bongkugon bo singkuḻeon.

YEHEZKIEL 26:2

“Ei intau inta ilo-ilow, intau in Tirus ain nonggoḷokap poḷat moguman, ‘Yerusalem in norimumudon! Ropotnea kon podagangan noinggamádon! Diádon in sia nobaḻí saingan naton!’ ”

YEHEZKIEL 36:2

‘Kon tungkuḷ in bangusa mita kon diugmai nonubu poḷat nogagow kon i monimu, mosia in noningkuḻedon kon sinangkub in Israel. Takin pia in gina mosia in noguman kon tanaa in tombuḷud dungkuḷmai tatua nobaḻí kapunyaan monia. Tuamai, ei buḷud mita bo tombuḷud mita, tapá mita bo ḷopá, ei kotá inta ain nobaḻí apug bo inta sinaḷáandon in mogogutunnea poḷat doman pinogagowan bo siningkuḻe in bangusa mita kon diugneamai, indongogaidon onu in pinoguman i Tuhan Inta Totok in moḷantud kon inimu: Kon dodai in sinumagab in torú-Ku, sinorúan-Ku in bangusa mita inta kon diugmumai ḷontúnea kon tua in Edom, popisí in takin pia in gina bo takin doman aid moningkuḻe, ain nogagow kon butá-Ku bo nogagow kon rawang mita in bonoknea. Tanaa in tumorú in Akuoi popisí in bangusa mita tatua in noningkuḻedon totok bo nopoompámaidon kon i monimu.

ZAKHARIA 10:3

Ki Tuhan in noguman, “Akuoi in tumorú totok kon pongawasa inta nomarenta kon umat-Ku, bo mosia in hukumon-Ku. Táe intau in Yohuda in Akuoi in kitogi, bo Akuoi, ki Tuhan Inta Totok in mokawasa in moḷukad kon i monia. Mosia in baḻíon-Ku kabaḷo in parang inta motorindog kon i-Nakó.