AYUB 39:24 - Alkitab Singog In Mongondow Masa In Tanaa

²⁴ Takin ibog inta tumaga-tagab moribatuk in kabaḷo tatua; aka torompet mosingog yo diá in sia mokotahang kon gina.

AYUB 39:24 ပူးပေါင်းရင်းမြစ်များ

AYUB 29:24

Nomomi in akuoi kon i monia kon dodai in mosia kinobuḻian in kamang; pogotku inta nosanang nokodugang kon ropot monia.

AYUB 37:20

Doíbí in akuoi mopoigum mosingog kon i Allah dika-dikabo oyúon in kodoyonan-Nea in mopobodito kon inakó.

AYUB 39:23

Ḷoḷutam inta binaba in tumotakoinea motoninsing bo mopouḻi-uḻinag kotugatan in sindar.

AYUB 39:25

Sia in moganggor pomuḷoi in torompet irupon nongkon noyayú kobóannea in bó in poparangan. Dinongognea in baḷú in porwira mita kon dodai in mosia mobogoi in tompoingat.

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”