AYUB 39:17 - Alkitab Singog In Mongondow Masa In Tanaa

¹⁷ Akuoibí in nomaḻí kon inia bodok bo kabaḷ, diábí inogoianku in sia in hikmat bo akaḷ.

AYUB 39:17 ပူးပေါင်းရင်းမြစ်များ

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

AYUB 17:4

Iḻingkopan-Mu in gina monia dá diá in mosia momangaḻe; dika modapot in mosia mopokuyung kon inakó in tanaa.

AYUB 35:11

bo inta nobogoi kon intau in raian noiḻiu kon ḷagapan mita bo biag kon dunia.

AYUB 39:16

Inanggapnea in ki adínea in deemanbí sia in kitogi; diábí pandungonnea aka onu in iḷongasinea diá in mangaḻenea.

AYUB 39:18

Táe aka momangkoidon in sia moribatuk moḻikat, sia in moḻika-ḻikat in kabaḷo bo tumotakoinea.

YESAYA 57:17

Dosa in turá monia nokopopisí kon i-Nakó sinumorú, tuamai in ihukum-Ku in mosia bo sinaḷáan-Ku. Táe mosia in pamandot bo umuran momiḻí kon daḷannea tontaní.

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.