AYUB 39:10 - Alkitab Singog In Mongondow Masa In Tanaa

¹⁰ Kotogotanmu degá in sia bo pakisaanmu momajeko? Mokopotabá degá in iko kon inia mongari kon gobámu?

AYUB 39:10 ပူးပေါင်းရင်းမြစ်များ

AYUB 1:14

Bo daḻídon noiangoi kon baḷoi i Ayub in totabá tobatú koriba-ribatuk bo nopotaau, “Tuang, intau in Syeba ain namangoi bo nonubu kon inami kon dodai in sapi mita pinomajekopa nami kon gobá bo keledai mita in mokaanmai kon bonok kon diugneamai. Mosia in nogagowdon kon bobiagon mita tatua, bo noḻimod kon bobantung mita i Tuang inta kon tua. Tongádon akuoi in nokoḷagui dá notaaudon namangoi nopotaau intua kon i Tuang.”

AYUB 39:11

Motaau degá pongatamu in ropotnea tua, bo ogoimu kon inia in oaidanmu inta mobogat?

AYUB 39:5

Ki ine in momuḻi kon keledai ḻindong kon kayuon? Ki ine in mobuká kon tontogotnea bo mopobió kon inia maya-mayá mako?

AYUB 39:7

Sia in iyumayú kon kotá mita bo ramenea, diábí in mokoyonok bo mopogaid kon inia.

AYUB 39:9

Degá sapi ḻindong moibog in pakéonmu mogaid? Moibog degá in sia mosiug doḷom kon ḷantungmu?

AYUB 41:5

Degá togotonmu in sia ná motogot kon ḷagapan inta biniagmu, inta mokosanang kon bobantung mita bobay?

MAZMUR 129:3

mosia in nonongkekeb kon ḻikudku, naonda bo momomajeko nonongkaḻembong kinoḷanggó kon gobá.

MIKHA 1:13

Moiko intau in Lakhis, pasdon in kabaḷo kon kereta in parang! Moiko in dinumayan kon dosa mita inta inaidan kon Israel dá nokopopisí kon Yerusalem in binaradosa domandon.

PINOGIAPAN 23:22

Ki Allah in nodia kon i monia iḻumuai nongkon Mesir; naonda bo bantong kaḻig Sia in noparang sin motuḷung kon i monia.