AYUB 38:8 - Alkitab Singog In Mongondow Masa In Tanaa

⁸ Ki ine in noḻingkop kon ngara sin modimpot kon baḷangon kon dodai in nongkon bonu in gantog in butá iḻumuai in tubignea?

AYUB 38:8 ပူးပေါင်းရင်းမြစ်များ

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

AYUB 28:25

Kon dodai in tompot inogoian-nea in ropot, bo sinantú-Neadon in sigad mita in baḷangon;

AYUB 38:10

Akuoi in nonantú kon sigad in baḷangon bo ḷoḻingkop in podimpot-Ku.

AYUB 38:9

Akuoibí in nopogoḻiung in goḷom kon dagat bo binakutnea in sindip.

MAZMUR 104:6

Kinoḷubungan-Mu in baḷangon intua, tubignea in nonagom kon tudu mita in buḷud.

MAZMUR 107:24

Mosia in nokoontong kon aid mita i Tuhan, mia-Nea inta mokoherang kon dagat.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YESAYA 40:12

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon?

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.