AYUB 38:5 - Alkitab Singog In Mongondow Masa In Tanaa

⁵ Ki ine in nonantú kon koḷoben in dunia? Ki ine in nogukur kon tua? Kotaauanmu degá in potubag kon tua?

AYUB 38:5 ပူးပေါင်းရင်းမြစ်များ

AYUB 11:9

Kawasa i Allah in moḷobe-ḷoben nongkon dunia, bo mooḷa-oḷad nongkon baḷangon.

AYUB 28:25

Kon dodai in tompot inogoian-nea in ropot, bo sinantú-Neadon in sigad mita in baḷangon;

AYUB 34:13

Ki ine in nobogoi in kawasa kon i Allah? Ki ine in nokiḷukad in dunia naa kon i-Nia?

MAZMUR 19:4

Diábí in mongonguman andeka mongunsingog, diábí in singog in kodongogan.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

AMSAL 8:27

Inindoianku mako kon tungkuḷ in ḷangit binuká, bo ḷokutoi binuká kon ḻimonik in dagat,

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YESAYA 34:11

Ḷagapan undan bo landak in mogutundon kon tua, ḷagapan monikuḷu bo kawag in mogutun kon tua. Ki Tuhan mopobaḻí kon butá tatua modoḻiok bo moingongow naonda bo kon tungkuḷ in diápa pinomaḻían.

YESAYA 40:12

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon?

YESAYA 40:22

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

KORINTUS 2 10:16

Sin kami in sinantú bidon kon mopohaba-habar mako in Habar Mopia kon ḻipu-ḻipúannea inta moyayu-yayú kon ḻipú monimu. Tongá diábí dumodia in kami lantaran oaidan nami tatua.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.