AYUB 38:4 - Alkitab Singog In Mongondow Masa In Tanaa

⁴ Oyúondon degá in iko kon dodai in dunia naa inaidan-Ku? Aka totuu kon mopandoi in iko, potaaudon!

AYUB 38:4 ပူးပေါင်းရင်းမြစ်များ

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,

AYUB 15:7

Kainimukamai yo iko in intaubí inta muna totok pinononggadí? Oyúon degá in iko kon dodai in buḷud mita binaḻí?

AYUB 28:25

Kon dodai in tompot inogoian-nea in ropot, bo sinantú-Neadon in sigad mita in baḷangon;

AYUB 34:13

Ki ine in nobogoi in kawasa kon i Allah? Ki ine in nokiḷukad in dunia naa kon i-Nia?

MAZMUR 102:25

Bo akuoi in noguman, “O Allah dikapa gamáan in nyawaku kon kinotombotakan in kobiaganku.” Tuhan, Iko in mobiag mononoi,

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

MAZMUR 104:5

Pinoḻitú-Mu kinorigon in butá kon dodoyonannea, dá diábí modandú modapot in mononoi.

AMSAL 3:19

Pinongin hikmat, ki Tuhan in nomaḻí kon dunia; pinongin pandoi-Nea sinongká-Nea in ḷangit kon tampat-Nea.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

AMSAL 8:22

Akuoi in binaḻí i Tuhan kon pinomangkoian in oaidan-Nea, akuoi naa in bungai in aid-Nea inta muna-munamai kon tungkuḷ intua.

YESAYA 40:14

Ki ine in poḻibóan i Tuhan sinbá mokouḻí kon totaau bo komangaḻean? Ki ine in mobogoi in totundú kon i-Nia sinbá mogaid moitombutung?

YEREMIA 10:12

Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

IBRANI 1:10

Ki Allah in noguman doman, “Iko, Tuhan in nongkon pinomangkoianpamai nomia kon butá, bo Iko doman in nomia kon ḷangit.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.