AYUB 38:26 - Alkitab Singog In Mongondow Masa In Tanaa

²⁶ Ki ine degá in nopoangoi in uyan kon tudu in rawang moḷoben, bo kon tudu in butá inta diá inutunan in intau?

AYUB 38:26 ပူးပေါင်းရင်းမြစ်များ

AYUB 28:26

kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

AYUB 36:27

Ki Allah inta nogamá kon tubig nongkon butá binaḻí goḷom bo pinomia nobaḻí uyan inta moḷabú.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

AYUB 38:25

Ki ine in nongaḻi kon got sin bayáan in tubig in uyan morogot bo mobogoi in daḷan bayáan in gotup bo kilat?

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

MAZMUR 107:35

Padang gurun binaḻí-Nea tabang, butá noingkag binaḻí bokaká.

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 65:12

Popisí in kopopia-Mu, pomuḷoi in taong sinadia-Mu in bungai in boyónea; kon onda in angoian-Mu, mobayong in mouḻí.

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.