AYUB 38:23 - Alkitab Singog In Mongondow Masa In Tanaa

²³ inta sinagúku pakéon kon dodai in mororiga, kon tungkuḷ in moparang bo kon singgai poparangan?

AYUB 38:23 ပူးပေါင်းရင်းမြစ်များ

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

AYUB 36:31

Natuata in pomomiag-Nea bangusa mita bo mobogoi in kaanon inta mobayong totok.

AYUB 38:22

Nokoimontandon degá iko in namangoi kon pototagúanku mita tampat in salju bo uyan batu,

AYUB 38:24

Kinotaauanmu degá in tampat pomukaan in mata in singgai? andeka nongkon onda degá in tompot in pomukaan?

IḶUAIAN 9:18

Ikoḷom doḷo-doḷom ná tanaa, Poangoi-Kudon in uyan eis inta totok in motoyang, ná inta diápa dodai onda in nobaḻí kon Mesir nongkon koḻipod dapot in tanaa mako.

IḶUAIAN 9:24

in uyan eis inta totok in motoyang sinakinan in kilat bo rosi inta monampí magí mako. Tuata in uyan eis inta totok in motoyang kon bonu in ouman in Mesir.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.