AYUB 38:12 - Alkitab Singog In Mongondow Masa In Tanaa

¹² Ei Ayub, degá nokoimontandon iko, in nogoiní kon modiug mobayag mamangoi?

AYUB 38:12 ပူးပေါင်းရင်းမြစ်များ

KINOBAḺIAN 1:5

bo sinangoian-Neadon in bayag tatua “Singgai” bo sindip tatua “Doḷom”. Doḷom noitaḻibdon, bo noiangoidon in doḷo-doḷom. Tuata in singgai inta muna.

AYUB 15:7

Kainimukamai yo iko in intaubí inta muna totok pinononggadí? Oyúon degá in iko kon dodai in buḷud mita binaḻí?

AYUB 24:16

Mononakow in noḻisik kon baḷoi kon dodai in doḷom, kon dodai in singgai sia mogadop kon bayag.

AYUB 38:11

Guman-Ku kon inia, ‘Naa in sigadnea. Dika taḻibanmu! Kon naa in pogogaian in bokoḷmu mita inta moḷoben.’

AYUB 38:13

Nokoimontandon degá in iko in nopotabá kon doḷo-doḷom nokadai kon butá bo noponopir in intau moraat nongkon tampat pinogadopan monia?

AYUB 38:21

Tantú kotubaganmubí, sin nogoguyangdon in iko, bo kon tungkuḷ in dunia binaḻí, iko in oyúondon!

AYUB 38:4

Oyúondon degá in iko kon dodai in dunia naa inaidan-Ku? Aka totuu kon mopandoi in iko, potaaudon!

AYUB 8:9

Kobiagan naton in notoyong, kita in diábí nonotaau kon onu bo onu; singgai mita naton naonda bo oḻinow.

MAZMUR 74:16

Ikobí in nomaḻí kon singgai bo doḷom, bo nonantú kon tampat in mata in singgai bo buḷan.

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

LUKAS 1:78

Ki Tuhan naton mopia in gina bo motabi doman totok. Sia in mamangoi sinbá mosaḷamat in kita. Sia naonda bo mata in singgai inta momuká doḷo-doḷom,

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.