AYUB 37:6 - Alkitab Singog In Mongondow Masa In Tanaa

⁶ Salju noḷabú kon butá sin pinarenta-Nea; uyan morogot namangoi sin pinotabá-Nea.

AYUB 37:6 ပူးပေါင်းရင်းမြစ်များ

EZRA 10:13

Bo mosia in noguman bui, “Táe inta namangoi in naa in nobayong totok bo uyan in morogot doman totok. Diábí in kami mokotahang in simindog kon ḷuai nanaa. Apa doman pelekara tanaa in diábí kotoimpaḷutan kon bonu in tosinggai andeka doyowa nosinggai, sin nobayongbí totok in kami in noiḷautdon nogaid kon dosa tanaa.

EZRA 10:9

Naonda in toḷudon nosinggai, kon singgai in doyowa nopuḷú buḷan in siownea, bayongan intau ḷoḷaki inta nogutun kon butá in Yohuda bo Benyamin in namangoi in Yerusalem bo noyosipun kon bosí in Baḷoi Tuhan. Kon dodai intua nonguyan norogot totok. Bayongan in intau nongourotdon popisí in motumping totok bo popisí doman in moponting totok in pinoyodungkuḷan tatua.

AYUB 28:26

kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

AYUB 36:27

Ki Allah inta nogamá kon tubig nongkon butá binaḻí goḷom bo pinomia nobaḻí uyan inta moḷabú.

AYUB 38:22

Nokoimontandon degá iko in namangoi kon pototagúanku mita tampat in salju bo uyan batu,

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

AMSAL 28:3

Intau inta nongawasa inta mondorot kon intau bogá, naonda bo uyan morogot inta momoguyaat kon bungai in boyó.

YEHEZKIEL 13:11

Ei nabi mita inta deeman totuu nabi, dindingmu in moumpagbí. Poangoi-Kubí in uyan morogot. Dinding tatua in dangatanbí in deḷang bo onagon in uyan eis

YEHEZKIEL 13:13

Ki Tuhan Inta Totok in moḷantud noguman, “Kon bonu in torú-Ku, Akuoi in mopoangoi in deḷang, uyan morogot bo uyan eis sin morimumud kon dinding tatua.

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!