AYUB 37:5 - Alkitab Singog In Mongondow Masa In Tanaa

⁵ Pinodoyon in parenta i Allah, dá nobaḻí in mujizat, inta mokoherang mita inta diá kinotaauan naton.

AYUB 37:5 ပူးပေါင်းရင်းမြစ်များ

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 37:14

Kibio-biópamai topiḻik, uḻe Ayub, bo indongogaipa; taridiai in inta mokoherang mita inta pinomia i Allah.

AYUB 37:16

Kinotaauanmu degá naonda in goḷom moiḷayug bungai in aid i Allah inta mokoherang totok?

AYUB 37:2

Indongogai in singog i Allah, ei bayongan monimu; indongogai in gotup inta iḻumuai nongkon bibig-Nea.

AYUB 37:4

Onda intua, kinodongogandon in singog-Nea mogonugur, gotup mopodongog doman in gonugur in singognea; bo kon yuak in singognea inta mogonugur, batu in gotup mongilat in monampí.

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

AYUB 9:10

Diá komangaḻean naton in bayongan in oaidan-Nea, diábí in kita mokoiap kon aid-Nea mita inta mokoherang.

MAZMUR 18:14

Bo ki Tuhan in nonggotup nongkon toḷungayá; Ki Inta Totok in Moḷantud nopodongog in singog-Nea.

MAZMUR 29:3

Ki Allah inta momulia nonggotup kon ḻimonik in dagat, singog-Nea in kinodongogan kon ḻimonik in baḷangon.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!