AYUB 37:23 - Alkitab Singog In Mongondow Masa In Tanaa

²³ Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 37:23 ပူးပေါင်းရင်းမြစ်များ

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 11:8

Kawasa-Nea in moḷantu-ḷantud nongkon toḷungayá; diábí kogawadanmu bo kogamáanmu. Kawasa-Nea in moona-onag nongkon dunia in intau minatoi, totokbí in diá komangaḻeanmu.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 36:3

Mobayong in kinotaauanku; pakéonku intua sin moponiata kon moadil in Momomaḻíku.

AYUB 36:5

Ki Allah tua in motorindog! Bayongan yagi-yagi kinotaauan-Nea. Diábí tobatúmai intau in inanggap-Nea nohina.

AYUB 37:19

Tundúpa in kami onu in musti poguman nami kon i Allah; diábí in motaau nami insilangan, raian nami naa in diá in bonunea.

AYUB 37:22

Sindar mopodara-darag nomuká nongkon utuan, bo kamuliaan i Allah mokoherang kon gina naton.

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.

AYUB 9:19

Degá musti in akuoi moropatoi takin-Nea? Táe indoian, totuu motoyang in ropot-Nea! Aka kuma bo pongaduku in Sia, ki ine in kobaḻí mogoiní kon i-Nia mayá in pongadilan?

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

MAZMUR 65:6

Iko in notubag kon inami pinongin nopountung kon inami, inaidan-Mu in soaḷ mita inta mokoherang sin moposaḷamat kon inami! Ikobí in pinongamangan in bayongan in bangusa nodapot in dagat inta moyayú.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 7:24

Ki ine in mokodungkuḷ kon mangaḻe in kobiagan naa? Moiḻiu in ako komangaḻean!

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEHEZKIEL 18:23

Degá iraimumai kon Akuoi, ki Tuhan Inta Totok in moḷantud in mosanangbí aka intau moraat bo matoi? Totokbí in diá! Ibogon-Ku in bá taḷaanneabímai in bayongan in dosa sinbá tantú mobiag in sia.

YEHEZKIEL 18:32

Diábí mopia in gina-Ku aka intau tobatú matoi. Taḷaaidon in dosamu mita sinbá umuran mobiag in moiko. Akuoi ki Tuhan Inta Totok in moḷantud ain nosingog.”

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

LUKAS 10:22

Yagi-yagi komintandon pinosarakan i Amá kon i-Nakó. Bo diábí in tobatúmai intau nonotaau kon Adí, koḻikudbí in ki Amá. Bo diábí doman intau in nonotaau kon i Amá koḻikudbí in Adí; bo intau mita inta kinoibog in Adí popotaauan kon ki ine in ki Amá.”

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.