AYUB 37:22 - Alkitab Singog In Mongondow Masa In Tanaa

²² Sindar mopodara-darag nomuká nongkon utuan, bo kamuliaan i Allah mokoherang kon gina naton.

AYUB 37:22 ပူးပေါင်းရင်းမြစ်များ

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

AYUB 37:21

Tanaa in sindar in ḷangit totuu mobayag dá mokotuḷowdon kon mata; tompot in mogirup mondarit kon ḷangit.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 40:10

Ḷambáaidon in awakmu in kaoyúonan bo tangoi moḷantud, pakédon in koagungan bo kololuhur.

MAZMUR 104:1

Dayowdon in ki Tuhan, ei dimukudku! Totuu moḷantud in Iko, o Tuhan Allahku! Iko in nopogiḷambung in koyunggaga bo kamuliaan,

MAZMUR 145:5

Mosia in mopotaaubí in koḷoḷantud bo komomulia-Mu, mia-Mu inta mokotongaw in tano-tano bo kubí.

MAZMUR 29:4

Singog i Tuhan kinodongogan, nopuḻing in kawasa bo kototorindog.

MAZMUR 66:5

Angoidon bo indoiaidon in aid i Allah, totuu mokotongaw in bayongan inta inaidan-Nea kon sigad in intau!

MAZMUR 68:35

Akudon in kawasa i Allah inta nomarenta kon Israel, kawasa-Nea in nodapot kon ḷangit.

MAZMUR 76:12

Intompodaidon in dandimu kon i Tuhan Allahmu. Bayongan bangusa inta nogutun kon diugmai in modia kon sosumba kon i Allah inta kinoondok.

MAZMUR 89:8

Iko in ihoromat kon yua-yuak in inta motusi mita, kinoondok noiḻiu kon bayongan inta kon ḻibu-Mu mita.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

AMSAL 25:23

Tompot in utuan notantúbí kon mopoangoi in uyan; natua doman in rorebegan notantúbí kon mokopomuká kon rogenggeng.

YESAYA 2:10

Mosia in tumuot kon bonu in angob mita kon buḷud mita in karang, andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud.

YESAYA 2:19

Kon dodai in ki Tuhan simindog bo modandú kon butá, intau in tumuotbí kon bonu in angob mita kon buḷud mita in karang andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud. Aka singgai tatua in moiangoi, berhala mita saḷaka bo buḷawan inta pinomia bo sinumba monia tua in taḷaanbí mako natua ogoi kon boyod bo poniki.

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

IBRANI 12:29

Sin ki Allah naton in naonda bo tuḷu inta mokopokak.

YUDAS 1:25

Tongábí Sia tua in ki Allah, Mopoposaḷamat naton pongin i Yesus Kristus Tuhan naton. Siata in ki Allah inta momulia, Moḷoben, mokawasa bo inta mokobangkaḷ nongkon tungkuḷpa intua, masai naa bo modapot kopaḷutan in dunia naa! Amin.