AYUB 37:11 - Alkitab Singog In Mongondow Masa In Tanaa

¹¹ Ḷokutoi dinatogan-Nea in tubig, bo goḷom in monindar sinimbayagan in gotup.

AYUB 37:11 ပူးပေါင်းရင်းမြစ်များ

DATU MITA IMITÁNEA 18:42

Bo ki Ahab in minayádon nongaan, bo ki Elia in notakod kon tudu in Buḷud in Karmel. Kon tua sinumungkud in sia noidapot in pogotnea kon butá kon sigad in duḷudnea doyowa.

AYUB 26:8

Goḷom in dinatogan-Nea in tubig inta mobayong totok, táe goḷom in diábí noyabi umpaka mobogat.

AYUB 28:26

kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

AYUB 36:32

Sia in modomok kon kilat takin ḻima-Nea bo mopotabá monampí kon inta sinongkaná-Nea.

AYUB 37:15

Kinotaauanmu degá mongo naonda in pomomarenta i Allah, dá kilat in monindar nongkon goḷom bo ḷokutoi?

AYUB 37:3

Kon sinangkub in ḷangit, binuḻian-Nea in kilat; pinoki dia-Nea in batu in gotup kon popod mita in dunia.

YESAYA 18:4

Ki Tuhan in noguman kon inakó, “Nongkon pinogutunan-Ku kon omonik, Akuoi in moḷongow monag takin moonow bo mosanang, ná koonow in oḷú inta nobaḻí kon tungkuḷ in doḷom inta mopatú kon sempo in pobatunan kon boyó, bo ná koriang in sindar in mata in singgai kon tungkuḷ in nobayagdon.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”