AYUB 37:1 - Alkitab Singog In Mongondow Masa In Tanaa

¹ Deḷang in nokopomuká kon ondok in ginaku bo putúku in modoḷodok.

AYUB 37:1 ပူးပေါင်းရင်းမြစ်များ

AYUB 21:6

Aka raionkumai in kaadaanku naa mourot in akuoi sin moondok.

AYUB 36:33

Singog in gotup nobaḻí tomponuot kon deḷang in mondangat, biag in monotaau doman kon tompot moropot moiangoi.

AYUB 37:2

Indongogai in singog i Allah, ei bayongan monimu; indongogai in gotup inta iḻumuai nongkon bibig-Nea.

AYUB 38:1

Onda intua nongkon uḷu in tompot ki Tuhan in nosingog kon i Ayub, nanaa:

AYUB 4:14

Dá noitaḻikokog in akuoi bo urot mako; nodait noḻiai in awakku sin ginumugur.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

IḶUAIAN 19:16

Kon singgai inta nogintoḷu, dodai in doḷo-doḷomneapa nonggotup bo nongilat. Goḷom inta mobunod noitukatdon kon tudu in buḷud bo kinodongogandon singog in torompet inta totok in moḷangon. Bayongan in intau kon ḷoḷaigan urot mako sin moondok.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.

OUMAN IN RASUL MITA 16:26

Daḻíbí bo nobaḻí in ḻinug inta totok in moropot nodapot pondasi in ponjara tatua nodandú doman. Bayongan in ḷoḻingkop nobukat bo rante mita inta pinotogot kon bayongan intau inta pinonjara nongobuká.

OUMAN IN RASUL MITA 16:29

Itoi in ponjara tatua noigum kon togá bo binayánea sinuaian bonu in ponjara tatua. Urot mako in sia bo noitungkud kon tayowonmai i Paulus bo i Silas.

ULANGAN 33:22

Bo kon suku i Dan sia noguman: “Bo naonda bo singa batánea inta iḷumanduk in iḻumuai nongkon Basan.”