AYUB 36:6 - Alkitab Singog In Mongondow Masa In Tanaa

⁶ Intau baradosa in diábí binió-Nea mobiag moonggot, Sia in mobogoi in moadil kon intau inta mororiga.

AYUB 36:6 ပူးပေါင်းရင်းမြစ်များ

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

AYUB 34:26

Mosia in sinokap-Nea popisí in dosa monia, kon tayowon in intau mita ihukum-Nea in mosia.

AYUB 38:13

Nokoimontandon degá in iko in nopotabá kon doḷo-doḷom nokadai kon butá bo noponopir in intau moraat nongkon tampat pinogadopan monia?

AYUB 4:7

Pikirdon, nokoimontandon degá in intau inta diá kotaḷá in kinotugatan in bodito bo roriga?

AYUB 5:15

Táe ki Allah in noposaḷamat: kon intau nobogá nongkon kopatoian, kon intau inta moyangkó nongkon pinononggataan.

AYUB 8:22

Intau inta mondoí kon inimu in mooyábí bo morasa kon moompádon, bo baḷoi in intau moraat in poguyaatonbí modapot in moyopú.”

MAZMUR 140:12

Biódon mako in intau inta moḻingá koantugan in bodito, dikadon pomayá mako in mopoponapud in uboḷ mogutun kon butá.

MAZMUR 140:13

Kinotaauanku kon Iko in mobogoibí in inta moadil kon intau inta dinorot, bo moduḷu kon pelekara in intau nobogá.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 72:4

Igumon mako ki Tuhan in moduḷu kon hak in intau inta dinorot, motuḷung kon intau mita nobogá bo moyompat kon intau mita inta nondorot kon i monia.

MAZMUR 9:12

Dayowdon in ki Tuhan inta nomarenta kon Sion! Oumandon in onu inta pinomia-Nea kon bangusa mita!

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,