AYUB 36:31 - Alkitab Singog In Mongondow Masa In Tanaa

³¹ Natuata in pomomiag-Nea bangusa mita bo mobogoi in kaanon inta mobayong totok.

AYUB 36:31 ပူးပေါင်းရင်းမြစ်များ

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

AYUB 36:30

Sinimbayagan-Nea in bayongan ḷangit pinongin kilat, táe apad in dagat tantúbí mosindip totok.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

MAZMUR 136:25

Kon batúan in inta nobiag inogoian-Nea in kaanon; tabi-Nea in umuran mononoi.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

ULANGAN 8:15

Ki Tuhan nodia kon i monimu nongin padang gurun inta nobendar mako bo inta motoyang, inta mobayong in uḷag mobisa bo bambau. Kon butá inta moingkag diá in tubig binaḻí-Nea in tubig iḻumuai nongkon batu, sinbá moiko motaau monginum dapot in moguḻí in yogangmu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

SAMUEL 1 12:18

Bo nosambayangdon in ki Samuel, bo kon singgai domandon tuata ki Tuhan nopoangoi in gotup bo uyan. Bayongan in bangusa tatua nobaḻí noondok kon i Tuhan bo kon i Samuel.

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”

SAMUEL 1 7:10

Naonda in ki Samuel koyogot in noposumba in kuruban payongon tatua, intau in Pilistin nomangkoidon nonubu; táe kon dodai domandon tuata ki Tuhan nonggotup nongkon ḷangit kon tombutungonmai monia. Bo notombauk in mosia poḷat noḷagui posi bayá sin motoboḻingo.