AYUB 36:30 - Alkitab Singog In Mongondow Masa In Tanaa

³⁰ Sinimbayagan-Nea in bayongan ḷangit pinongin kilat, táe apad in dagat tantúbí mosindip totok.

AYUB 36:30 ပူးပေါင်းရင်းမြစ်များ

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

AYUB 36:29

Diá tobatúmai in nonotaau kon bobayá in goḷom mita bo singog in gotup kon ḷangit tampat pinogutunan i Allah.

AYUB 36:31

Natuata in pomomiag-Nea bangusa mita bo mobogoi in kaanon inta mobayong totok.

AYUB 38:25

Ki ine in nongaḻi kon got sin bayáan in tubig in uyan morogot bo mobogoi in daḷan bayáan in gotup bo kilat?

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

IḶUAIAN 14:22

Tubig nosilai doyowa, bo kon dodai intau in Israel iḷumoḷan kon dagat, mosia minayá mayábí kon apad in dagat inta noingkag, bo tubig kon dotá in koḷoigi bo koḷanan notompompangdon naonda bo dinding.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

LUKAS 17:24

Sin naonda bo kilat inta nonimbayag nongkon popod in ḷangit toḷosi bo mopobayá doman popod in ḷangit tobotak natuata in singgai koangoian in Adí Intau.