AYUB 36:26 - Alkitab Singog In Mongondow Masa In Tanaa

²⁶ Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 36:26 ပူးပေါင်းရင်းမြစ်များ

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

AYUB 10:5

bo umur-Mu in diábí ná kopoḷok in umurnea.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 36:25

Bayongan intau in nokoontong kon aid-Nea, táe diá in tobatúmai in totu-totuu nonotaau kon i-Nia.

AYUB 36:27

Ki Allah inta nogamá kon tubig nongkon butá binaḻí goḷom bo pinomia nobaḻí uyan inta moḷabú.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 37:5

Pinodoyon in parenta i Allah, dá nobaḻí in mujizat, inta mokoherang mita inta diá kinotaauan naton.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

IBRANI 1:12

Dunia naa in kopíon-Mubí naonda bo ḷambung, bo baḷuian-Mubí in ibanea mako. Táe Iko in diábí mobaḷu-baḷui, bo mononoibí in kobiagan-Mu.”

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”