AYUB 36:16 - Alkitab Singog In Mongondow Masa In Tanaa

¹⁶ Ki Allah in nopoḷuatdon kon inimu nongkon roriga, dá iko in mokorasadon kon kopiaan, bo meja pongongaananmu in mopuḻing in kaanon.

AYUB 36:16 ပူးပေါင်းရင်းမြစ်များ

AYUB 15:11

Nongonu sin ḷoḻipoi i Allah in mororigamubí tarimaan? Siningog nami pinongin sabar bo moḷukó pinodoyon kon tangoi-nea.

AYUB 19:8

Iḷamboian i Allah in daḷanku, diá motaau tumaḻib in akuoi, lorongku mita binaḻí-Nea nosindip totok.

AYUB 5:17

Nomujurdon totok in iko aka ki Allah nonoboḷow kon inimu! Dika moyaat in gina aka torúan-Nea in iko.

MAZMUR 118:5

Kon bonu in rorigaku akuoi in nokuani kon i Tuhan; bo sinubagan-Nea poḷat pinoḷuat-Nea in akuoi.

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

MAZMUR 23:5

Iko in nogoḷud kon pongaananku, kon tayowon in musungku. Iko in notomu kon inakó naonda bo mokokiangoi inta ihoromat. Iko in nobogoi kon inakó in oinumon mobayong totok inta mopia.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

MAZMUR 63:6

Dayowonku in Iko takin giow pia in gina, sin Iko in mopoorop in dimukudku naonda bo kaanon inta mopia in nanamnea.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

HOSEA 2:14

Ki Tuhan in noguman, “Tuamai in Akuoi in modiabí kon inia mayá in padang gurun; kon tua sia in dondouḷugan-Kubí pongin tosingogon mita in oibogan.