AYUB 33:9 - Alkitab Singog In Mongondow Masa In Tanaa

⁹ Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 33:9 ပူးပေါင်းရင်းမြစ်များ

AYUB 10:14

Iḷukadan-Mu in akuoi dika-dikabo mogaid kon noitaḷá sinbá diá ogoian-Mu in pongampungan.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 11:4

Podudui in raianmu tosingogonmu mita tatua in diábí noitaḷá; aka kon raianmu iko in nodaritbí kon tayowon i Allah.

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 13:23

Tongonu in kobayong in taḷá bo dosa inta inaidanku? Bayongan aidku inta noitabat in poguman-Mukadon!

AYUB 14:17

Dosaku in ampungan-Mu bidon bo posíon-Mu bidon; taḷáku dungkuḷmai in popatan-Mu bidon.

AYUB 16:17

Táe diábí in akuoi nogaid kon inta moraat; noniata kon motuḻidbí in sambayangku kon i Tuhan.

AYUB 17:8

Intau inta motuḻid, moitaḻikokog bo moherang; intau inta diá kotaḷá, nonganggap kon akuoi naa in diá kotuhan.

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 29:14

Motuḻid in aidku diábí in noitaḷá; pinosindogku onu inta moadil.

AYUB 32:1

Popisí in ki Ayub in noyakin totok kon sia in diábí kotaḷá, dá totakinnea taya toḷu tua in doídon notubag kon inia bui.

AYUB 33:8

Dinongogkudon onu in siningogmu, bo kinomangaḻeanku onu in makusudmu.

AYUB 34:5

Guman i Ayub, ‘Diábí in noitaḷá kon inakó, táe ki Allah in doí mobogoi kon onu in moadil kon inakó.

AYUB 34:6

Akuoi in inanggap nonguboḷ, sin noguman kon akuoi in diá dinosa. Tanaa in akuoi in pinaḻi-palíanmai, umpaka in akuoi diá kotaḷá.’

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

AYUB 9:17

Sia in nomutú kon inakó pinongin deḷang, bo nodugang kon rorigaku takin diá in kinodoyonan.

AYUB 9:21

Akuoi in diábí kotaḷá, táe diábí pandungonku. Mobúdon in akuoi in mobiag. Aka kon inakó yo diádon in moponting; inta kotaḷá bo inta mobanar, notongkaibí in kobiagannea: Tumpaḷabí yopúon i Allah in taya dua.

AYUB 9:23

Aka intau inta diá kotaḷá bo modaḻí matoi, ki Allah in tongábí kumosing.

YEREMIA 2:35

moiko in moguman doman kon moiko in diá kotaḷá, bo Akuoi in diá bidon sinumorú kon inimu. Táe Akuoi ki Tuhan, in mohukumbí kon i monimu popisí in moiko in doí mongaku kon moiko in kotaḷá.