AYUB 33:6 - Alkitab Singog In Mongondow Masa In Tanaa

⁶ Sin kon i Allah, iko bo akuoi in diábí in yoposinea nongkon butá ḷamentong pinomia-Nea in kitada.

AYUB 33:6 ပူးပေါင်းရင်းမြစ်များ

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 30:2

Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 13:12

Bayongan in tongginamu naonda bo ḷobud inta diá in baragunanea; pobelaanmu ná butá motobai inta mogampang moitabud.

AYUB 13:3

Táe akuoi in moibog moyosingog takin in Inta Totok in Mokawasa; moibog in akuoi mobela kon pelekaraku kon tayowon i Allah.

AYUB 20:22

Kon tungkuḷ in mooyúondon totok in sia, roriga bo robonoḷ in ginanea mamangoi moiantug kon inia.

AYUB 31:35

Diá degá in intau in moibog mokidongog kon tosingogonku mita? Mongibot in akuoi kon totuubí intua komintan. Igumon mako ki Inta Totok in mokawasa in motubag kon inakó. Aka kuma bo onu inta pinonapud in musung kon inakó pinais komintan dá koontonganku,

AYUB 4:19

Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

IḶUAIAN 4:16

Sia in mustibí mosingog podoyon kon tangoimu kon tayowon in umat. Sia in mobaḻí tondoḷ in bibigmu bo iko inanggapnea naonda bo ki Allah inta moguman kon onu inta musti singogonnea.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.