AYUB 33:23 - Alkitab Singog In Mongondow Masa In Tanaa

²³ Degá tobatú kon sigad in toribu in malaekat i Allah inta moponorop kon intau in oaidannea, in mamangoi sin motuḷung kon inia.

AYUB 33:23 ပူးပေါင်းရင်းမြစ်များ

KINOBAḺIAN 40:8

Tubag monia, “Kogobíi kami in sinumogoindop, bo diá doman kotaauan nami in mangaḻenea.” Guman i Yusup, “Tongábí ki Allah in motaau mobogoi in mangaḻe in togoindop. Oumanka in togoindop monimu tatua.”

NEHEMIA 9:33

Oaid-Mu in moadil, ihukum-Mu in kami inta binaradosa; Iko in umuranbí mosatia umpakabí in kami nopuḻing in aid mokotor.

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 34:10

Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

AYUB 34:12

Ki Allah Inta Totok in mokawasa diábí mogaid kon inta moraat; bayongan in intau inogoian-Nea koadilan.

AYUB 34:32

Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

AYUB 35:14

Ayub, apadoman aka iko in moguman kon iko in diá nokoontong kon i-Nia, bo pelekaramu in kon tayowon-Neadon bo iko in mogoḷat mako kon i-Nia!

AYUB 36:3

Mobayong in kinotaauanku; pakéonku intua sin moponiata kon moadil in Momomaḻíku.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 9:3

Toribu in ḻibóon i Allah, tobatúmai diábí in kotubagan in intau.

AYUB 9:33

Táe kon sigad nami diá in hakim inta motaau mopoyotutui kon inaminda.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 94:12

Pia in kamang in intau inta sinundú-Mu, o Tuhan, intau inta sinundúan-Mu in hukum-Mu mita.

MOHOHUTUBA 7:28

Tantúpa doman in akuoi motayak kon tontubag mita ibanea, táe diádon nokouḻí. Kon sigad in intau toribu, nouḻíku in ḷoḷaki tobatú inta ihoromatku. Táe kon sigad monia diá in bobay inta motaau horomatonku.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

DANIEL 9:14

Iko, Tuhan Allah nami, ain nopohukum kon inami in anib inta ain sinadia-MU; aid-Mu umuranbí moitombutung bo moadil, táe kami in diábí nokidongogmai kon singog-Mu.

HAGAI 1:13

Bo ki Hagai in nopotaau kon rayat in koyow i Tuhan kon ki Tuhan in nodandidon kon moḷukad kon i monia.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

OUMAN IN RASUL MITA 8:30

Dá ki Pilipus in minayá dinimiug kon kereta tatua bo nokidongog kon pinobacaan in intau tatua kon buk i Nabi Yesaya. Nopaḷut mako, sia in noḻibó kon intau tatua kainia, “Komangaḻean degá i Tuang onu in binaca i Tuang tatua?”

SURAT I PAULUS KON JAMAAT RUM 11:13

Tanaa akuoi in mogumandon kon i utat mita inta deeman intau in Yahudi! Saḷaku rasul kon intau mita deeman Yahudi, totokbí in untuonku in oaidanku tanaa.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.