AYUB 33:12 - Alkitab Singog In Mongondow Masa In Tanaa

¹² Uḻe Ayub, noitaḷá totok in singogmu! Sin ki Allah in moḷobe-ḷoben in intau.

AYUB 33:12 ပူးပေါင်းရင်းမြစ်များ

AYUB 1:22

Dá, umpaka in ki Ayub kinoantugan in bayongan bodito, diábí in sia nogaid kon dosa bo diábí nopotaḷá kon i Allah.

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 11:9

Kawasa i Allah in moḷobe-ḷoben nongkon dunia, bo mooḷa-oḷad nongkon baḷangon.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 32:17

Diá, tanaa in tubaganku; tosingogonku in potaauku.

AYUB 34:23

Diá bidon paraḷu in ki Allah monantú kon wakutunea, intau in mamangoi sin adilon-Nea.

AYUB 35:4

Akuoi in motubag kon inimu bo kon totakinmu mita tatua.

AYUB 36:5

Ki Allah tua in motorindog! Bayongan yagi-yagi kinotaauan-Nea. Diábí tobatúmai intau in inanggap-Nea nohina.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

YEREMIA 18:6

“Ei umat-Ku, umpaka dá diá in Akuoi mokoaid kon inimu ná inta inaidan in mogogaid kon kuyon tatua takin butá ḷamentongnea? Naonda bo butá ḷamentong kon ḻima in mogogaid kon kuyon, natua doman moiko in kon bonu in kawasa-Ku.

YEHEZKIEL 18:25

Degá oyúon in moguman nanaa, ‘Noitaḷádon in aid i Tuhan.’ Indongogaidon, ei intau in Israel! Degá noitaḷá in inta inaidan-Ku? Moikobí in noitaḷá.