AYUB 32:8 - Alkitab Singog In Mongondow Masa In Tanaa

⁸ Táe inta nobogoi in pandoi kon intau, in tongábí Roho i Allah Inta Totok in mokawasa.

AYUB 32:8 ပူးပေါင်းရင်းမြစ်များ

KINOBAḺIAN 41:38

Bo ki datu in noguman kon i monia, “Diá bidon kita mokouḻí kon intau ibanea inta ná ki Yusup naa, sin sia kinawasa in Roho i Allah.”

KINOBAḺIAN 41:39

Dá ki datu noguman kon i Yusup, “Ki Allah ain nopotaau in naa komintan kon inimu, dá nosimantagdon kon ikobí in mopando-pandoi bo mobija-bijaksana nongkon i inekadon.

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 4:29

Ki Allah in nobogoi kon i Salomo in kabijaksanaan, bo pandoi inta diá in poḻiu, bo pongortian inta totok in moako.

DATU MITA IMITÁNEA 5:9

Intauku mita in modiabí kon kayu tatua mosiḻig nongkon Libanon mopobayá in dagat. Bain kon tua bo pangkoi mita in kayu tatua togoton monia tonggakiton bo iḻigon monia pongin dagat pobayá in tampat inta koibog i Tuang. Kon tua in gakit mita tatua kokaion bo ogoi kon intau mita i Tuang sin pogaid moiduduimai. Nongkon i Tuang, poigumonku sinbá ki Tuang moposadiadon in kokaanon kon intau mita inta kon komaḻigku.”

AYUB 12:16

Ki Allah tua in moropot, moroton bo ponango-nangoian! Ki inta mongonguboḷ bo ki inta kino uboḷan kon bonubí in kawasa-Nea.

AYUB 27:3

akuoi in mongibot: Aka ki Allah mobogoipa in poginaan kon inakó, aka dimukud notobatúpa in awakku,

AYUB 33:16

Ki Allah in nopotabá kon i monia mokidongog; sinaḻikokogan-Nea in mosia in toboḷow mita.

AYUB 33:4

Roho i Allah in nomaḻí kon inakó, bo nobogoi in kobiagan kon inakó.

AYUB 35:11

bo inta nobogoi kon intau in raian noiḻiu kon ḷagapan mita bo biag kon dunia.

AYUB 38:36

Nongkon onda in ḷagapan ibis monotaau kon toonu in Ongkag in Nil tua moponik in tubig? Ki ine in noguman kon manuk tuḷug kon monguyan?

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 20:27

Gina in intau in nobaḻí bayag nongkon i Tuhan inta monimbayag kon bayongan in bonunea.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

YESAYA 28:26

Kinotaauannea naonda in pogogaid kon tua, sin ain sinundú i Allahnea.

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

KORINTUS 1 12:8

Oyúon intau in nokouḻí kon totabi mosingog kon inta mopia, oyúon doman in nokouḻí kon totabi motundú kon soaḷ ki Allah.

TIMOTIUS 2 3:16

Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.