AYUB 32:6 - Alkitab Singog In Mongondow Masa In Tanaa

⁶ bo nosingog nanaa, “Akuoi naa in noguodpa, bo moiko in nogurangdon, tuamai in moondok in akuoi bo moḻia-ḻiaw in gina in mopoyaput in tosingogonku.

AYUB 32:6 ပူးပေါင်းရင်းမြစ်များ

AYUB 12:12

Habarnea, hikmat in oyúon kon intau inta noonggotdon in kinobiagannea, táe hikmat bo ropot in tongábí oyúon kon i Allah. Kai monia in komomangaḻe in oyúon kon intau inta noonggotdon in kinobiagan, tongá komomangaḻe bo hak in tongábí oyúon kon i Allah!

AYUB 15:10

Hikmat tanaa in nouḻí nami nongkon intau inta ain uba-ubanan; mosia in oyúondon kon dodai in ki amámu pinononggadí!

AYUB 15:7

Kainimukamai yo iko in intaubí inta muna totok pinononggadí? Oyúon degá in iko kon dodai in buḷud mita binaḻí?

AYUB 32:2

Táe kon tua oyúon in intau inta ki Elihu in tangoinea ki adí i Berakheel, buí i Bus nongkon inanakan i Ram. Sia in diádon nokotahang kon torúnea, popisí in ki Ayub ḷumabit kon totuu in sia bo mopotaḷá kon i Allah.

AYUB 32:5

Naonda in inontongnea kon taya toḷu in diádon mokotubag, sinumorú in sia,

AYUB 34:1

Iko nion in mopandoi bo mobayong in akaḷ? Dá, indongogaipa in bayongan tosingogonku tanaa.

AYUB 35:1

Ayub, noitaḷádon in iko aka moguman in iko kon iko in diá kotaḷá kon tayowon i Allah.

AYUB 36:1

Indongogaipa motoyong bui, bo posabarpa, oyúonpa doman in pogumanku podoyon kon i Allah.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

TIMOTIUS 1 5:1

Dika daḻin-daḻíonmu in tumorú kon i monia inta umur monia noiḻiudon kon i naton, táe diugaibí in sia bo mongonguman naonda bo mongonguman takin in guyangamu tontaní. Ná doman tua in mosia inta nongoguodpa, tongginaaibí in mosia ná ki utatmu tontaní.

TITUS 2:6

Ná doman tua, tongginaai in intau mita inta nongoguodpa sinbá mobalajar in mosia monahang kon gina kon bayongan in yagi-yagi.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”