AYUB 32:19 - Alkitab Singog In Mongondow Masa In Tanaa

¹⁹ Aka akuoi tongá kibio-biómai, yo mopopar in akuoi, naonda bo botutu inta nopuḻing in anggur nobagu.

AYUB 32:19 ပူးပေါင်းရင်းမြစ်များ

AYUB 32:18

Diádon mokosabar in akuoi in mogoḷat. Diádon mokotahang in akuoi kon tosingogonku mita.

AYUB 32:20

Akuoi in mustibí mosingog, sinbá mosanang in ginaku; akuoi in mustibí mobuká kon bibigku bo mobogoi in tontubag.

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

YEREMIA 6:11

Torú-Mu kon i monia doman in modidí kon dodobku, Tuhan! Mobogat totok in momondam.” Bo ki Tuhan in noguman, “Popoaidon in torú tatua kon mongoadí mita kon daḷan mita moḷoben bo kon tayow mobiag mita inta noyosipun. Ḷoḷaki bo bobay in domokonbí, bo intau inta nogoguyangdon in diábí kotaḻiban.

AMOS 3:8

Aka singa bo moganggor, yo ki inebí in diá moondok? Aka ki Tuhan Inta totok in moḷantud bo mosingog, yo ki inebí in tongá kibio-biómai bo diá mopotaau-taau mako in koyow-Nea?

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”