AYUB 31:6 - Alkitab Singog In Mongondow Masa In Tanaa

⁶ Biódon mako in pononimbangan i Allah kon inakó kon tudu in pososimbangan inta mopia, dá kotaauan-Neadon kon akuoi in diá kotaḷá.

AYUB 31:6 ပူးပေါင်းရင်းမြစ်များ

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 32:1

Popisí in ki Ayub in noyakin totok kon sia in diábí kotaḷá, dá totakinnea taya toḷu tua in doídon notubag kon inia bui.

AYUB 6:3

yo noiḻiubí in sibuḷnea kon bungaion in baḷangon. Dá dikabí moherang aka tosingogonku mita diádon muna irai bo ḻimika-ḻikatdon.

MAZMUR 1:6

Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

AMSAL 16:11

Ibogon i Tuhan intau mokopotuḻid kon gina aka modagang, ná doman tua in mopomaké in ukuran bo simbangan.

AMSAL 21:2

Bayongan aid in intau degá mopiabí in kon bonu in raiannea tontaní, táe ki Tuhanbí in moindoi kon makusud in ginanea.

YESAYA 26:7

Intau inta motuḻid in gina in mongin daḷan inta motuḻid, sin Iko, Tuhan in nomontang kon daḷan bayáannea.

DANIEL 5:27

sinimbang, ki Tuangku in sinimbangdon bo nouḻí magí diá mokoorop;

MIKHA 6:11

Yo umpaka dá ampungan-Ku in intau inta nopomaké in pononimbangan motombogá?

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.