AYUB 31:30 - Alkitab Singog In Mongondow Masa In Tanaa

³⁰ Akuoi in diábí nosambayang sinbá matoi in musungku; diábí dodai in onda in akuoi nogaid kon dosa natua.

AYUB 31:30 ပူးပေါင်းရင်းမြစ်များ

AYUB 5:3

Nokoimontandon inontongku in intau bodok; kobiagannea koontongan moroton totok. Táe nodaḻídon kinutukku in pinogutunannea.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

MOHOHUTUBA 5:6

Ná doman togoindop inta mobayong diá in mangaḻenea, yo natua doman in mobayong in singog diá in mangaḻenea. Táe kotoguondokbí kon i Tuhan.

MATIUS 12:36

Táe poguman-Ku kon i monimu; Pomuḷoi in singog inta diá in mangaḻenea inta aindon siningog in intau yo musti tubagannea kon singgai pohakiman.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

YAKOBUS 3:6

Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.