AYUB 31:3 - Alkitab Singog In Mongondow Masa In Tanaa

³ Bodito bo roriga in notantúbí kon poangoi-Nea kon intau inta nogaid kon inta moraat!

AYUB 31:3 ပူးပေါင်းရင်းမြစ်များ

SAMUEL 2 18:10

Intau i Daud tobatú nokoontong kon inia bo pinotaaunea kon i Yoab, “Tuang, koina inontongku in ki Absalom noitadang mako kon tanga in kayu moḷoben!”

AYUB 18:12

Koḻipod moropot in sia, tanaa in mororigadon in sia; bodito umuran moitakin kon i nia kon ondakabí

AYUB 20:29

Natuata in ukur in intau moraat, ukur inta sinantú i Allah kon inia.”

AYUB 21:17

Degá nokoimontandon togá in intau moraat piniongan, bo mosia in kinoantugan in bodito bo roriga? Nokoimontandon degá in ki Allah in sinumorú kon i monia, dá mosia in ihukum-Nea?

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

AYUB 31:23

Diábí in akuoi mogaid kon natua, sin hukuman i Allah totok in nokoondok kon ginaku.

AYUB 34:22

Diábí in sindip, umpakabí mopungit totok, in mokobuni kon intau baradosa.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 73:18

Pinotabá-Mu in mosia nongin daḷan inta morondog, bo pinomayá-Mu mako in mosia in moḷabú bo matoi.

AMSAL 1:27

Singkuḻeonku in moiko aka moḻia-ḻiaw in gina monimu bo mororiga popisí in kinoantugan in bodito inta namangoi naonda bo deḷang.

AMSAL 10:29

Ki Tuhan in moḷukad kon intau motuḻid in gina, táe moyopú kon intau inta mogaid kon inta moraat.

AMSAL 21:15

Aka inta moadil in pobayá, dá mosanangbí in gina in intau mopia, táe intau moraat in moondokbí.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

PINOGIAPAN 16:30

Táe aka ki Tuhan momia kon tobatú inta diápa dodai in onda in dinongog monimu naa in kino oonggot, bo aka butá mobotak sin moḻiom kon i monia takin bayongan kapunyaan monia, dá mosia in tumuotdon kobia-biagpa kon bonu in dunia intau minatoi, kotaauandon monimu kon intau mita tatua noḷawang kon i Tuhan.”

MATIUS 7:13

“Tuotdon pongin daḷan inta mointok, sin daḷan inta mopobayá in naraka moḷoben bo mobanat, bo mobarong in intau mongin tua.

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

HAKIM MITA 9:53

bobay tobatú nopoḷabúdon in tobatú batu poḷoḻintogan kon uḷunea dá nobotak in uḷu i Abimelek.