AYUB 31:24 - Alkitab Singog In Mongondow Masa In Tanaa

²⁴ Diábí kon dodai in onda akuoi in nopongata in kapunyaanku,

AYUB 31:24 ပူးပေါင်းရင်းမြစ်များ

KINOBAḺIAN 31:1

Ki Yakub nokodongog kon ki adí mita i Laban nosingog nanaa, “Ki Yakub ain nogamá kon bayongan kapunyaan i amá naton. Bayongan kapunyaannea komintan nongkon kapunyaan i amá naton.”

AYUB 22:24

Ḷumbúdon in buḷawanmu inta totok in nopira; pogambatdon kon gantog in ongkag inta diádon in tubig.

MAZMUR 49:17

Dika moondok aka intau tobatú bo mobaḻí mooyúon, bo kapunyaannea in modugang mobayong.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

AMSAL 10:15

Kaoyúonan moḷukad kon inia inta nooyúon, malarat morimumud kon inta nobogá.

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

YEHEZKIEL 28:5

Totuu, mopandoi in iko modagang bo tanaa in nooyúondon totok, bo kaoyúonanmu tua in nokoḷoḷatú kon inimu!’ ”

MARKUS 10:23

Dá nobobui in ki Yesus kon murí-Nea mita bo noguman kon i monia, “Moyoyiga totok in intau nooyúon tumuot mobaḻí umat i Allah!”

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.