AYUB 31:17 - Alkitab Singog In Mongondow Masa In Tanaa

¹⁷ Diápa dodai in onda in pinomayáku mako in uno-unon ginogoi, bo akuoi in tongábí pia-pia mako in mongaan tontaní.

AYUB 31:17 ပူးပေါင်းရင်းမြစ်များ

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

ESTER 2:7

Oyúon in ki adí in doyowa mogutatnea bobay, mongodeaga moḷunat bo mopia in pongogawaknea, tangoinea in ki Ester, aka tangoi in Ibrani yo ki Hadasa. Guyanga i Ester naa in minatoidon bo sia in binaḻí i Mordekhai ki adínea bo biniag ná onda bo ki adínea tontaní.

AYUB 22:7

Intau inta noḷopí diá inogoianmu in inumon, inta gogoyon diá pinoki pongaananmu.

AYUB 31:18

Nongkon mointokanpamai mosia in biniagku; kinoouput in kobiaganku kinapitku in mosia.

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

YEHEZKIEL 18:16

andeka nondorot andeka nogagow kon i inekadon. Pakakat mita in intau inta nobaḻí tontogot kon boboḻian kon inia umuranneabí pobuion. Intau inta ginogoi ogoiannea in kaanon bo intau inta diá koḷambung inogoiannea in ḷambung.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

OUMAN IN RASUL MITA 4:32

Komintan intau inta ain nopirisaya tua in nobiag notobatú kon gina bo porasaan. Diá tobatúmai in kon sigad monia tua in norai kon onu inta kon i monia yo tongábí monia tontaní in kitogi.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

ULANGAN 15:11

Kon sigad in intau Israel umuranbí oyúon in tongonumai intau inta mobiag mobogá bo kinodaitan in pakéon. Tuamai in akuoi moguman kon i monimu mokopopia kon gina kon i monia.”

ULANGAN 15:14

Takin sanang in gina ogoiaidon in sia nongkon onu inta inogoi i Tuhan Allahmu kon inimu, tuata in bembé domba, gandum bo anggur.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’