AYUB 30:25 - Alkitab Singog In Mongondow Masa In Tanaa

²⁵ Akuoi naa in nongombaḷ noyotakin in intau inta kinoantugan in roriga, bo inta monotabi kon intau inta diá koonu bo onu?

AYUB 30:25 ပူးပေါင်းရင်းမြစ်များ

AYUB 24:4

Mosia in mogamá kon hak in intau bogá, dá pakisadon nogadop in intau inta moyangkó.

AYUB 29:12

Sin, sinuḷunganku in intau nobogá inta mokituḷung; ná doman tua in intau mita uno-unon inta diá in mototuḷungnea.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

AYUB 31:31

Intau mita inta nogaid kon inakó nonotaaubí, kon ki inekabí tarimaankubí kon baḷoiku.

MAZMUR 12:1

Kon i itoi in mododondong. Podudui in dondong inta in waḷunea. Mazmur i Daud.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 17:5

Ki ine in moningkuḻe kon intau bogá yo mopoompábímai kon i Allah inta nomaḻí kon inia. Ki ine in mosanang in gina kon koboditoan in intau, yo notantúbí kon mokouḻí kon hukuman.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

YOHANES 11:35

Bo ki Yesus in nongombaḷ.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 2 9:9

Ná inta ain pinais kon Buk Motusi nanaa, “Ki Tuhan nobogoi magí-mako kon intau mita mobogá; kopopia in gina-Nea tantú mononoi dapot in kopaḷutannea.”