AYUB 30:23 - Alkitab Singog In Mongondow Masa In Tanaa

²³ Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

AYUB 30:23 ပူးပေါင်းရင်းမြစ်များ

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

AYUB 10:8

Akuoi naa in pinomiabí in ḻima-Mu, umpaka yo tanaa yopúon-Mu in akuoi?

AYUB 14:5

Umur in intau ain sinantú-Mu; kobayong in buḷannea ain sinigadan-Mu. Ain doman sinantú-Mu in kodapotan in kobiagannea; diábí doman in sia ḻimimpat kon tua.

AYUB 21:33

Ribu in intau minaya sinumakin nogatod kon poḷobongan kon inia; takin pia-pia mako butá nomumbun kon inia.

AYUB 3:19

Kon tua bayongan in intau in notongkaidon: inta ponango-nangoian bo inta diá ponango-nangoian. Bo ata mita in noiḷuatdon kon imbuitnea.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

YOSUA 23:14

Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.