AYUB 30:22 - Alkitab Singog In Mongondow Masa In Tanaa

²² Pinomayá-Mu mako in tompot nopoḷayug kon inakó, kon bonu in tompot moropot pinoḷayug-Mu magí-mako in awakku.

AYUB 30:22 ပူးပေါင်းရင်းမြစ်များ

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

AYUB 27:21

Tompot in pomukaan nobuat kon inia, bo nonimpat kon inia nongkon baḷoinea.

AYUB 9:17

Sia in nomutú kon inakó pinongin deḷang, bo nodugang kon rorigaku takin diá in kinodoyonan.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 102:10

Akuoi in mokaan kon ḷobud naonda bo roti, oinumonku noyobauk in ḷuá,

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 18:10

Ḷangit binotak-Nea, bo noponag in Sia bo goḷom mosindip in kon ḻimonag in sioḷ-Nea.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

HOSEA 13:3

Tuamai in intau mita tatua in moinggamábí naonda bo topuot andeka oḷú doḷo-doḷom. Mosia in mobaḻídon naonda bo ḷobud in baḻeká inta inirup in tompot kon poḷoḻintogan kon gandum, bo naonda bo poyok inta iḻumuai nongkon bubú in poyok.

HOSEA 4:19

Tuamai in mosia in moinggamábí naonda bo inirup in tompot. Mosia in mooyábí popisí in kuruban mita inta pinosumba monia kon dewa mita.