AYUB 3:4 - Alkitab Singog In Mongondow Masa In Tanaa

⁴ O Allah, baḻídon in singgai tatua mosindip, popatdon intua nongkon raian-Mu sinbá diádon; dika domandon pomayá-Mu in sindar mopia monimbayag kon tua.

AYUB 3:4 ပူးပေါင်းရင်းမြစ်များ

AYUB 3:5

Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

AMOS 5:18

Totuu kon moboditobí in moiko inta mokotanob kon singgai i Tuhan! Onubí in mangaḻenea in singgai tatua kon inimu? Singgai tatua in tongábí nobaḻí singgai inta mosindip, deemanbí singgai inta mobayag kon inimu.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

OUMAN IN RASUL MITA 27:20

Tongonumaidon nosinggai in kami diádon mokoontong kon mata in singgai, bo tundi sin tompot in umuran doman mogirup moropot. Pangabisannea diádon in harapan nami kon mosaḷamatpa.

ULANGAN 11:12

Ki Tuhan Allahmu in monompia kon butá tatua bo moḷukad kinoouput in taong.

WAHYU 16:10

Bo malaekat iḻimanea in nopobutak doman bonu in palonea kon tampat pomomarentaan in mahaḷuk tatua. Dá bayongan dodatuan in mahaḷuk tatua in sinimindip. Bo popisí in moiḻiudon totok in nakitea, dá mosia in moikaḷut kon dilá.