AYUB 3:17 - Alkitab Singog In Mongondow Masa In Tanaa

¹⁷ Kon tua, kon bonu in poḷoḷobongan, intau moraat in diábí mogaid kon inta moraat, bo mogogaid inta kinodaitandon in ropotnea in motaau mopoguḻí in ḷopínea.

AYUB 3:17 ပူးပေါင်းရင်းမြစ်များ

AYUB 14:13

Bunidon in akuoi kon bonu in dunia in intau minatoi; oḻiungaidon in akuoi modapot in Iko diádon tumorú bui. Táe tantúdon in wakutu kon monorop kon inakó.

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

AYUB 3:16

Nongonu sin akuoi in diábí pinononggadí poḷat minatoi sinbá akuoi in mosiug bo moḷoḷot totok?

AYUB 3:18

Bo intau inta dinakop in moiḷuatdon, moiḷuatdon kon guak in moḷoḷukad mita.

MOHOHUTUBA 4:2

Mointoi in akuoi in mokotorop kon intau mita inta ain noonggot in minatoi sin mosia in mosana-sanang nongkon intau mita inta nobiagpa.

MOHOHUTUBA 9:6

Porasaan tabi, yongó bo napusunea, komintan bidon matoi moyotakinnea. Diá bidon in sia mogamá kon tonsilai onuka kon bayongan onu in nobaḻí kon dunia.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

LUKAS 12:4

“Pokotorop uḻe yobayat-Ku mita! Dika moondok kon i monia inta tongá motaau moḻimod kon awak, táe onda intua diádon motaau mogaid moiḻiu kon tua.

IBRANI 4:11

Tuamai, koḻigai in kita moramuji totu-totuu in tumuot kon tampat pogogogaian tatua, sinbá diá tobatúmai in intau kon sigad naton in diá moituot kon tampat tatua ná mosia koḻipod sin popisí in diá mopirisaya kon i Allah.

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

PETRUS 2 2:8

Saḷaku intau mopia inta nobiag kon yua-yuak in intau moraat natua, moajar totok in gina i Lot sin pomuḷoi in singgai umuran mokoontong mako kon intau mita inta mongoromú tatua.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

SAMUEL 1 28:19

Iko bo intau mita in Israel in ogoi-Neadon kon intau in Pilistin. Ikoḷom iko bo adímu mita ḷoḷaki in moyosipundon takinku; modapot in bayongan tontara in Israel in ogoi doman i Tuhan kon intau in Pilistin.”