AYUB 29:12 - Alkitab Singog In Mongondow Masa In Tanaa

¹² Sin, sinuḷunganku in intau nobogá inta mokituḷung; ná doman tua in intau mita uno-unon inta diá in mototuḷungnea.

AYUB 29:12 ပူးပေါင်းရင်းမြစ်များ

AYUB 24:4

Mosia in mogamá kon hak in intau bogá, dá pakisadon nogadop in intau inta moyangkó.

AYUB 24:9

Intau moraat in mononggata kon adí inta uno-unondon, bo mogamá kon ki adí mointok in intau nobogá inta koboḻi kon inia.

AYUB 30:25

Akuoi naa in nongombaḷ noyotakin in intau inta kinoantugan in roriga, bo inta monotabi kon intau inta diá koonu bo onu?

AYUB 31:17

Diápa dodai in onda in pinomayáku mako in uno-unon ginogoi, bo akuoi in tongábí pia-pia mako in mongaan tontaní.

AYUB 31:18

Nongkon mointokanpamai mosia in biniagku; kinoouput in kobiaganku kinapitku in mosia.

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

MAZMUR 68:5

Podondongdon kon i Allah, dayowdon in tangoi-Nea, sadiadon in daḷan moḷoben kon i-Nia inta sinumakoi kon goḷom. Tangoi-Nea in ki Tuhan – poḷungangadon in gina kon tayowon-Nea!

MAZMUR 72:12

Sin sia in mopoḷuat kon intau dinorot inta diádon mokopongonu, bo intau bogá inta mokuani kon inia.

MAZMUR 88:4

Akuoi naa in kinoantugan in susa mobayong; popatoi in kon ngaradon in ḷoḻingkop.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

AMSAL 31:8

Sindogdon kon dotá i monia inta diá mokosaḷamat kon awak monia tontaní. Ḷukadai in hak in bayongan intau inta diá kodaya.

ULANGAN 10:18

Sia in mopotutui kon hak in adí uno-unon bo inta dongka bobay-bobay sinbá moadil in popoaid kon i monia; Sia motabi kon intau ango-angoi inta nobiag kon yua-yuak in bangusa naton bo mobogoi kon i monia in kaanon bo pakeang.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.