AYUB 28:26 - Alkitab Singog In Mongondow Masa In Tanaa

²⁶ kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

AYUB 28:26 ပူးပေါင်းရင်းမြစ်များ

AYUB 28:27

kon dodai intuata hikmat in inontong-Nea, sinungkuḷan-Nea in boḻinea, bo sinantú-Neadon.

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 36:27

Ki Allah inta nogamá kon tubig nongkon butá binaḻí goḷom bo pinomia nobaḻí uyan inta moḷabú.

AYUB 36:29

Diá tobatúmai in nonotaau kon bobayá in goḷom mita bo singog in gotup kon ḷangit tampat pinogutunan i Allah.

AYUB 36:32

Sia in modomok kon kilat takin ḻima-Nea bo mopotabá monampí kon inta sinongkaná-Nea.

AYUB 37:11

Ḷokutoi dinatogan-Nea in tubig, bo goḷom in monindar sinimbayagan in gotup.

AYUB 37:2

Indongogai in singog i Allah, ei bayongan monimu; indongogai in gotup inta iḻumuai nongkon bibig-Nea.

AYUB 37:3

Kon sinangkub in ḷangit, binuḻian-Nea in kilat; pinoki dia-Nea in batu in gotup kon popod mita in dunia.

AYUB 37:4

Onda intua, kinodongogandon in singog-Nea mogonugur, gotup mopodongog doman in gonugur in singognea; bo kon yuak in singognea inta mogonugur, batu in gotup mongilat in monampí.

AYUB 37:6

Salju noḷabú kon butá sin pinarenta-Nea; uyan morogot namangoi sin pinotabá-Nea.

AYUB 38:25

Ki ine in nongaḻi kon got sin bayáan in tubig in uyan morogot bo mobogoi in daḷan bayáan in gotup bo kilat?

AYUB 38:26

Ki ine degá in nopoangoi in uyan kon tudu in rawang moḷoben, bo kon tudu in butá inta diá inutunan in intau?

AYUB 38:27

Ki ine in nomutak kon butá inta noingkag totok tua dá bonok in monubu komintan?

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

AMSAL 8:22

Akuoi in binaḻí i Tuhan kon pinomangkoian in oaidan-Nea, akuoi naa in bungai in aid-Nea inta muna-munamai kon tungkuḷ intua.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

ZAKHARIA 10:1

Aka sempodon in pononubú, poigumdon kon uyan kon i Tuhan. Dá sipunondon i Tuhan in goḷom morondí, bo mopoḷabú in uyan morogot dá gobá mita in ḷumunowdon bo moḷumbá kon bayongan in intau.