AYUB 27:21 - Alkitab Singog In Mongondow Masa In Tanaa

²¹ Tompot in pomukaan nobuat kon inia, bo nonimpat kon inia nongkon baḷoinea.

AYUB 27:21 ပူးပေါင်းရင်းမြစ်များ

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

AYUB 30:22

Pinomayá-Mu mako in tompot nopoḷayug kon inakó, kon bonu in tompot moropot pinoḷayug-Mu magí-mako in awakku.

MAZMUR 102:10

Akuoi in mokaan kon ḷobud naonda bo roti, oinumonku noyobauk in ḷuá,

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 58:9

Biódon mako in mosia naonda bo kií inta ḷumoḷayat mobaḻí muntong, naonda bo adí mointok inta minatoi kon tungkuḷ in diápa nokoontong kon nobayag.

MAZMUR 83:15

Naonda bo tuḷú inta nomokak kon kayuon, dokot in tuḷú inta nomagong kon buḷud mita.

YEREMIA 18:17

Naonda bo ḷobud inirup in tompot in pomukaan, natuata in umat-Ku porariton-Ku kon tayowon in musung. Aka moiangoi in anib, toḻikudan-Kubí in mosia bo diábí motuḷung kon i monia!”

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”