AYUB 27:20 - Alkitab Singog In Mongondow Masa In Tanaa

²⁰ Inta motoyang noidantug naonda bo ḷunud moḷoben inta daḻí noiangoi. Tompot moropot kon dodai in doḷom nogirup nodia kon inia minayá.

AYUB 27:20 ပူးပေါင်းရင်းမြစ်များ

DATU MITA 2 19:35

Doḷom doman tua malaekat i Tuhan in namangoi kon pinononḷoḷaigan in intau in Asyur, bo noḻimod kon 185.000 in tontara. Nobangon monik doḷo-doḷom mayat mita monia tatua in noiyayitdon magí mako.

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

AYUB 18:11

Intau moraat sinaḻikokogan in inta mokokoningkim nongkon bayongan tampat; Ondok dinumudui kon inia kon pomuḷoi in ḷampang.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

AYUB 24:18

Bo ki Zopar in noguman, “Intau moraat in noiḻig kon ḷunud moḷoben, butánea in kinutuk i Allah; gobá in anggurnea noingongowdon; diádon in intau nogaid kon tua.

AYUB 34:20

Moonggot kon doḷom, mosia in motaaubí in daḻí matoi. Ki Allah in mohukum kon pongawasa bo moyopú in mosia; Diábí in roriga-Nea in moḻimod kon intau motorindog.

MAZMUR 18:4

Akuoi in nokuani kon i Tuhan inta patus dayowon, Sia in noposaḷamat kon inakó nongkon musungku mita.

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 83:16

Duduraidon in mosia in deḷang-Mu, taḻikokogaidon i mosia in tompot moropot-Mu.

MAZMUR 90:5

Iḷomot-Mu in kami; kami naa in naonda bo togoindop, naonda bo bonok inta nonokat;

IḶUAIAN 12:29

Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

YUNUS 2:3

Kon tampat modaḷom akuoi pinogonag-Mu, nodapot kon apad in dagat. Kon tua torú in tubig iḻimibu kon inakó, bokoḷ bo ḻimboknea nopogambat kon inakó.