AYUB 27:14 - Alkitab Singog In Mongondow Masa In Tanaa

¹⁴ Aka ki adínea mobayong, yo mosia in matoi kon bonu in parang bo adí bo ompunea in mobiag mobogá.

AYUB 27:14 ပူးပေါင်းရင်းမြစ်များ

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

AYUB 15:22

Diádon in kamang kon inia simí nongkon sindip, sin pitow in moḷoḻimod mogaḷow kon inia kon pomuḷoi in kasampatan.

AYUB 18:19

Adí bo buí diá bidon kon inia; kon ḻipúnea diá bidon tobatúmai in kiagatnea.

AYUB 20:10

Inta koḻipod sinakownea nongkon intau inta diá koonu bo onu musti toḻiuan i adínea mita.

AYUB 4:11

Mosia in matoi naonda bo singa inta kinodaitan in kaanon, dá ki adínea mita in posibayádon magí-mako.

MAZMUR 109:10

Biódon mako in ki adínea mita in mobaḻí mogogundaídon magí mako, bo untunon nongkon apug in baḷoinea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’

ULANGAN 28:32

Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.

ULANGAN 28:41

Moiko in mokouḻíbí kon adí mita ḷoḷaki bo bobay, táe mosia in gamáandon mobaḻí tawanan in parang, dá moiko in kobuḻiandon monia.

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.