AYUB 27:13 - Alkitab Singog In Mongondow Masa In Tanaa

¹³ Dá ki Zopar in nosingog, “Nanaa in pogogaid i Allah Inta Totok in mokawasa mohukum kon intau inta moromú bo moraat.

AYUB 27:13 ပူးပေါင်းရင်းမြစ်များ

AYUB 27:12

Táe, moiko komintan ain nokoontong tontaní. Dá, nongonu sin moiko in mobogoibí in tonggina inta diá in mangaḻenea?”

AYUB 31:2

Onu in inaidan i Allah kon inaton? Naonda in pinototuḻí-Nea kon aid in intau?

AYUB 31:3

Bodito bo roriga in notantúbí kon poangoi-Nea kon intau inta nogaid kon inta moraat!

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MOHOHUTUBA 8:13

Noyoḻiu kon tua, intau moraat mokouḻí kon mobayong in roriga. Kobiagannea in ḷagibí mayá naonda bo oḻinow. Sia in matoibí kon dodai in moguodpa popisí in sia diá motoindudui kon i Tuhannea.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,