AYUB 24:20 - Alkitab Singog In Mongondow Masa In Tanaa

²⁰ Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

AYUB 24:20 ပူးပေါင်းရင်းမြစ်များ

AYUB 17:14

Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

AYUB 19:10

Sia in nondangat kon inakó nongkon bayongan tampat, naonda bo intau norabut kon uakat in pinomuḷa, bo pinomayánea mako natua bo noḷaḷow, natuata in pinogogamá-Nea kon bayongan in kamangku.

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

MAZMUR 34:16

Ki Tuhan in monaridi mako kon intau inta motoḷutui, Sia in mokidongog aka mosia mokuani mokituḷung.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

YESAYA 26:14

Mosia tua in minatoi bidon bo diábí mobiag bui, dimukudnea in diábí mobiag bui. Sin mosia in nodaitdon iyopú-Mu bo pinopatan-Mudon kon bonu in gina.

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.