AYUB 24:18 - Alkitab Singog In Mongondow Masa In Tanaa

¹⁸ Bo ki Zopar in noguman, “Intau moraat in noiḻig kon ḷunud moḷoben, butánea in kinutuk i Allah; gobá in anggurnea noingongowdon; diádon in intau nogaid kon tua.

AYUB 24:18 ပူးပေါင်းရင်းမြစ်များ

AYUB 22:11

Singgai in modugangdon mosindip, diádon in iko mokoontong; noḷomot in iko in inuntag in dunuk inta motoyang.

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

AYUB 24:11

Nongkon zaitun sia momia kon ḷana bo nongkon bungai in anggur, pomiaannea in inumon, táe sia tontaní in moyogangdon totok.

AYUB 24:6

Gobá in intau ibanea pakisabí aidannea; bungai in anggur in intau moraat mustibí sipunonnea.

AYUB 27:20

Inta motoyang noidantug naonda bo ḷunud moḷoben inta daḻí noiangoi. Tompot moropot kon dodai in doḷom nogirup nodia kon inia minayá.

AYUB 5:3

Nokoimontandon inontongku in intau bodok; kobiagannea koontongan moroton totok. Táe nodaḻídon kinutukku in pinogutunannea.

AYUB 9:26

Naonda bo uangga moḻikat, kobiaganku moitaḻib moḻikat totok, ná koḻikat in ḷagapan boniá monampí, modomok kon kokaanonnea.

MAZMUR 58:7

O Allah, putoḷdon in ingipon mita monia, rabutdon in uwaḷa in singa mita batánea tatua, Tuhan.

MAZMUR 69:22

Nodapotbí in kaanonku binaukan in rasum; kon dodai in norogang, akuoi inogoian in cuka sin inumon.

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

YESAYA 23:10

Bayádon pononggobá kon gobámu, ei intau in Spanyol, sin tampat pomomiaan kon kapaḷ in diádon.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.