AYUB 24:14 - Alkitab Singog In Mongondow Masa In Tanaa

¹⁴ Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

AYUB 24:14 ပူးပေါင်းရင်းမြစ်များ

AYUB 24:13

Oyúon in intau mita inta doí motarima kon bayag bo mosaturu, diábí kinotaauan monia bo doíbí dumudui kon daḷannea.

AYUB 24:4

Mosia in mogamá kon hak in intau bogá, dá pakisadon nogadop in intau inta moyangkó.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

LUKAS 12:39

Torop in singog-Ku tanaa! Aka kuma bo kotaauandon muna i togi baḷoi in jam koangoian in mononakow, yo diábí pomayá mako i togi baḷoi in mononakow tatua tumuot kon baḷoinea.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.